Aya aya Wae , Keretas Bodas

Keretas Bodas

 Kalawan paroman ambek, ibu Santi asup  ka rohang  kapala sakola. "Kuring hayang terang, kunaon anak kuring dibere peunteun enol dina  ujian basa?"

 "Tenang bu, tenang, " ceuk  kapala sakola leuleuy. "Ke urang sina ka dieu heula guru basana, tangtos aya alesanana."

  Teu lila guru dimaksud geus datang.

      "Ku naon anjeun mere peunteun enol  dina ujian basa ka anak kuring, Susi?" ceuk ibu Santi sabari ngarames-rames ramo leungeunna.

      "Henteu aya pilihan sanes, " walon eta guru, "manehna masihkeun keretas bodas, teu hiji-hiji acan anu ditulisna di dinya."

      "Eta lain alesan," Ibu Santi megat kalimah kalawan garihal, "Saeutikna, Anjeun, pan bisa mere angka tujuh  pikeun kaberesihannana ........" (*)    

                                     ---***---

                                     Ganti Du'a

       Geus lila pisan Mang Suta hayang boga kabogoh. Ngan bae, ti taun ka taun harepanana teu kungsi dikobul, sarta manehna geus ampir pegat harepan. Ku lantaran kitu, 

dina hiji peuting du'ana robah jadi kieu :  "Allah, kuring henteu mundut nanaon deui ti Anjeun. Kuring ngan saukur mundut, pamugi indung sim kuring  dipaparin piminantueun." (*)