Sajak PRANG PRING

PRANG PRING

Prang, pring
sabulu-bulu gading
nu disamping jeung nu disarung,
pahibut memener simbut…

Prang, pring
sabulu-bulu gading
nu mopoek betah ngahekok,
disawer-sawer panganten,
dihiap, hiap ku lebe,
lebe tajir urang cimareme,
di-ijaban ku pa naib,

naib nu heman maturan,
nu lalajo, emok cabok,
kacapi suling ngagelik,
ngahanca, nu wajib dihanca,
eundeur lini wawarehan,
eum, ulah rea wangkong,
cai na batok ngadadak keplok….

Prang, pring
sabulu-bulu gading
nu disamping jeung nu disarung,
kasambut di pangperangan,
panah jeung gondewa,
ibur,
leungiteun pitapak…. (*)

Fajar Pamungkas, Pangurus Literasi Pelajara Kec. Caringin-Bogor 16730