SAJAK NU TEU KALISANKEUN

SAJAK NU TEU KALISANKEUN

Lamun seug aya pilihan, moal teuing rek bedang ngeukeuhan,
nu ceuk anjeun, cenah, teu manjing ugeran,
heug ieu sajak, nu dicawiskeun teuing pikeun saha,
ngahaja diawurkeun ku leungeun kenca jeung kahayang
nu teu kungsi patarema….!

Lamun seug aya tembang, moal teuing rek norek wangkelang,
nu ceuk anjeun, cenah, teu manjing udagan,
karep nu mumbul jauh, ka alak paul nu moal kaajul ku budak satepak,
nu ngadon pasea marebutkeun langlayangan,
nu ngoleab pegat benang….!

Lamun seug aya imah pangbalikan, piraku rek sasar salah lengkah,
nu ceuk anjeun, cenah, teu manjing jadi wasilah,
heug ieu sajak, nu ditulis teuing diancokeun pikeun saha,
ngahaja diguar ku kalimah jeung basa,
nu teu kungsi sapagodos….!

(Ieu sajak ngulayaban marengan do’a nu ngabigeu, nu teu ka anteur ku lisan kuring sorangan….!) (*)

Anissa Puji Rahmawati, guru SDN Pangkal Jaya Kec. Nanggung,