Ummul Quro Bogor Nginditkeun Umrah, Guru jeung Satpam

SUNDAURANG.ID -- Yayasan Ummul Quro Bogor nginditkeun deui pagawena ka Tanah Suci. Taun ayeuna, Ummul Quro meupeuskeun rekorna sorangan ku ngajadiahan ibadah umrah ka 20 pagawe.

Ketua 1 Bidang Pendidikan jeung Sumber Daya Manusia (SDM) Yayasan Ummul Quro, Syamsuddin, netelakeun, hadiah kasebut dipasrahkeun ka pagawe anu miboga 2 kriteria, nyaeta mangsa gawe anu lila, jeung kinerja anu hafe.
“Ieu hadiah teh lain ngan ukur pikeun guru, tapi oge staff, sanitasi, jeung satpam. Sim kuring saparakanca ngucap syukur kana kamampuh Yayasan anu beuki ngaronjat, anu mimitina ngan ukur 2 pagawe, ayeuna bisa nepi ka 20 pagawe,” ungkabna.
Para pagwe kasebut diindotkeun poe Juma’ah (12/5). Samemeh indit, calon jemaah umrah didu’akeun babarengan ku pangurus jeung kulawargana. Maranehna indit ti Ummul Quro jam 3.00 WIB, sarta baris aya di Tanah Suci salila 9 poe.

Syam miharep, Yayasan Ummul Quro bisa terus ngajalankeun program hadiah umrah di taun-taun saterusna, ku jumlah jemaah anu beuki ngalobaan.
“Mugia jemaah anu indit taun ayeuna bisa balik deui din kaayaan anu sehat jeung salamet,” harepna. (rb/gege)