YPKMKN Ngajak Unit-Unit Pendidikan Solid jeung Ngalakukeun Sinergi

SUNDAURANG.ID -- Keluarga Besar Yayasan Pengembangan Keterampilan jeung Mutu Kehidupan Nusantara, atawa YPKMKN, ngalaksanakeun acara Halal Bihalal, di Audotorium Universitas Nusa Bangsa (UNB) Jl. Sholeh Iskandar KM 4 Cimanggu Tanah Sareal Kota Bogor. Acara dihadiran ku Pembina, Pengawas, jeung Pengurus Harian YPKMKN, sarta sakabeh unit kagiatan anu ngalingkup civitas akademika UNB, SMK Analis Kimia Nusa Bangsa, SMK Informatika Nusa Bangsa, SMK Teknik Jenderal Bambang Sugeng Temanggung, jeung Griya Nusa Bangsa. Salian ti eta, diondang oge para pejabat teras jeung pangsiunan Badan Pertanahan Nasional (BPN).
Ketua Panitia, Ir. Chopep Tholando, M.BA, ngalaporkeun, kagiatan anu ngangkat tema “Melalui Silaturahmi Tingkatkan Sinergisitas Untuk Mengukir Prestasi” ieu dihadiran ku kurang leuwih 250 urang ondangan ti Keluarga Besar YPKMKN, jeung pingpinan instansi sarta para pangsiunan Badan Pertanahan Nasional.
Ketua Pengurus Harian YPKMKN, Ir. Doddy Imron Cholid, M.Si, dina sambutanna netelakeun yen acara Halal Bihalal teh dipiharep mampuh ngawujudkeun soliditas anu diperlukeun pisan pikeun nyiptakeun sinergisitas dina ngembangkeun unit-unit pendidikan, di antarana UNB mampu nyokot peran dina ngaronajatkeun kualitas Sumber Daya Manusa Indonesia.
Para pihak sakola di lingkungan YPKMKN, dipiharep bisa mere arahan jeung rekomendasi pikeun lulusanna, pikeun neruskeun pendidikan di UNB, anu geus kaakreditasi hade jeung ngalaman pakembangan ti waktu ka waktu.
“Ka para Dosen jeung Guru, dipiharep mampuh ngalaksanakeun proses diajar jeung ngajar anu hade jeung miboga karakter pikeun ngahasilkeun lulusan anu miboga kualitas. Ku kituna, mampuh miboga kiprah di kancah pangwangunan nasional,” ungkabna.
Pembina YPKMKN anu diwakilan ku Ir. Nurarifin S. Muhibat, M.Si netelakeun, YPKMKN teh dibangun ku pinuh perjuangan. Saterusna eta perjuangan, sumanget, jeung kareueus YPKMKN ku sakabeh unit kagiatanna, terus ngalaman pakembangan.

Sesepuh Badan Pertanahan Nasional (BPN), Ir. Masri Asyik, netelakeun, pendirian YPKMKN jeung Universitas Nusa Bangsa, diadegkeun ku Prof. Dr. I Made Shandi jeung Dr. Arie Latario Kusumadewa. “Sim kuring saparakanca ngahaturkeun nuhun kana jasa-jasana. Hayu urang sarerea neruskeun perjuangan jeung cita-cita aranjeuna,” ungkabna.

Ir. Rudi Rubijaya, S.P, M.Sc, Kakanwil BPN Provinsi Banten, ngawakilan Badan Pertanahan Nasional, ngahaturkeun nuhun ka senior anu miboga kiprah di YPKMKN, anu angger ngajaga silaturahim liwat rupa-rupa kagiatan BPN siap gawe bareng jeung YPKMKN, sarta sakabeh unit kagiatan, khususna jeung UNB. Para staf BPN baris dibere motivasi jeung widi pikeun neruskeun pendidikan di UNB.

Ieu acara oge dieusi ku siraman rohani ti UStd. K.H Muhammad Abdul Latif, SE.I., M.Pd, anu medar ngeunaan harti penting silaturahim dina ngawangun sinergisitas anu diperlukeun pikeun pangembangan YPKMKN jeung sakabeh unit-unit kagiatan, sarta kumaha ngaimplementasikeun kecap Halal dina ngajaga silaturrahim. Dina acara halal bihalal kasebut oge dipintonkeun marawis jeung pamacaan sajak ti unit-unit kagiatan YPKMKN. (*rb/gege)