Sabtu, 3 Juni 2023

Jemput Bal, UPT Dukcapil Ngalayanan Perekaman KTP ka Sakola

- Kamis, 25 Mei 2023 | 13:13 WIB
 Unit Pelaksana Teknis (UPT) Kependudukan jeung Pencatatan Sipil (Dukcapil) wilayah IV ngalakukeun jemput bal, pikeun perekaman jeung panerapan Identitas Kependudukan Digital (IKD) di SMAN 1 Jasing
Unit Pelaksana Teknis (UPT) Kependudukan jeung Pencatatan Sipil (Dukcapil) wilayah IV ngalakukeun jemput bal, pikeun perekaman jeung panerapan Identitas Kependudukan Digital (IKD) di SMAN 1 Jasing

SUNDAURANG.ID -- Unit Pelaksana Teknis (UPT) Kependudukan jeung Pencatatan Sipil (Dukcapil) wilayah IV ngalakukeun jemput bal, pikeun perekaman jeung panerapan Identitas Kependudukan Digital (IKD) di SMAN 1 Jasinga, Rebo (24/5). Kepala UPT Dukcapil wilayah IV Leuwisadeng, Toni Patoni, netelakeun, eta kagiatan teh miboga tujuan pikeun mere kamudahan ka guru jeung siswa anu umurna geus 17 taun.
“Salian ti eta oge, pikeun mere kamudahan dina Pamilihan Umum (Pemilu) taun 2024 kahareup,” ungkabna.
Eta hal teh sangkanpara pamilih teu perlu ngarekam deui, mapag Pemilu 2024. Salian ti eta, maranehnan oge ngaaktivasi KTP Digital pikeun guru-guru anu can bogaeun. “Pikeun pelayanan eta identitas kependudukan, ayeuna mah geus aya dina aplikasi IKD, anu bisa diakses liwat smartphone,” ungkabna.

Dirina nambahkeun, perekaman jeung aktivasi IKD di lingkungan sakola teh kakara ayeuna dilakukeun ku timna. Pihakna baris nganjang ka sakola sejenna di tujuh kecamatan dina wilayah IV Leuwisadeng.

Kasi Pemerintah Kecamatan Jasinga, Sandy Praja, netelakeun yen usaha jemput bal teh ngabantu perekaman pikeun anu umurna geus leuwih ti 17 taun.
“Ayeuna, di Kecamatan Jasinga, loba keneh anu can miboga e-KTP atawa anu can ngalakukeun perekaman,” ceuk Sandi.

Sandi netelakeun, aya keneh rebuan warga anu can karekam atawa can miboga e-KTP, anu loloban geus leuwih ti 17 taun. “Sim kuring saparakanca ngecek di lapangan, sihoreng aya 1.333 jiwa (can miboga e-KTP)”, ungkabna. (*rb/gege)

 

Editor: Muh Afandi

Tags

Artikel Terkait

Terkini

IPB University Jeung Kumis Ucing

Rabu, 17 Mei 2023 | 15:53 WIB

SMAN 1 Nanggung Ngantongan Adiwiyata Jabar

Kamis, 11 Mei 2023 | 08:38 WIB

PGRI Parung Ngayakeun Silaturahmi Antarguru

Kamis, 11 Mei 2023 | 08:34 WIB
X